الأحد، 1 نوفمبر 2009

الخاتم اللعين





الخـاتم ،،،


قطعة من المعدن اللعين


تعلن فيه المرأة مقتل العاشقين


تصيبهم برماح تميت قلوب الجميـع


الا شخص واحد


هو الذي اختارته


ترسل له القبـلات !


****


اما الرجل ،،،


يلبس الخاتم اللعين


طمعاً في الأجر الكثير


تمثيلاً امام عالم من المغفلين !


****


يا خاتم ،،،

تلقيت طعنتك بصدر رحب

لكن سيظل الأثر في قلبي دائماً

وسأرد: الطعنات بالطعنات !

الثلاثاء، 27 أكتوبر 2009

خيالك

القى خيالك بين الجفن وعيني
أغمض واتـرك الخيال يلعب بي
أجلس ساعات اشوف ضحكاتك
وأتخـيلك تسولف وجالس(ن) يمي



شاب شايب



الاثنين، 10 أغسطس 2009

المعازيم

يوم اقلبت.. صوت لها جرحي القديم
يوم اقبلت .. طرنا لها انا وشوقي والنسيم
وعيونها ..
عين المحتني وشهقت
وعين حضنت عيني وبكت
ويافرحتي
الحظ الليله كريم.. محبوبتي معزومه من ضمن المعازيم.

في زحمة الناس صعبه حالتي
فجأه اختلف لوني وضاعت خطوتي

مثلي اوقفت تلمس جروحي وحيرتي
بعيده اوقفت وانا بعيد بلهفتي
ماحد عرف اللي حصل
وماحد لمس مثل الامل
كل ابتسامه مهاجره جات رجعت لشفتي
وكل الدروب الضايعه مني تنادي خطوتي
ويارحلة الغربه.. وداعا رحلتي

ياعيون الكون غضي بالنظر
اتركينا اثتين عين تحكي لعين

اتركينا الشوق ماخلى حذر
بلاخوف بنلتقي.. وبلا حيرة بنلتقي
بالتقي بعيونها وعيونها احلى وطن.. وكل الامان

السبت، 15 نوفمبر 2008

معنى الحياة


لا تروحين .. وتخليني وحيد ..

اشكي لوسادتي احزاني ...

حتى البحر رفض احزاني ..

أعظم احزاني .. انتي ..

ايه انتي ياعمري ....

حزن فراقج ..

وحزن لقاج ...

يوم اني اشوفج .. ولا اقدر على وصالج ..

هذا الحزن ياحبيبتي بعينه وعلمه ..

وكل يوم اتذكرج فيه حزن ..

خليتني اعيش لحظات عمري بهم وغم وحزن ..

والسعادة صرت اعرفه شكلها ...
ولا فكـرت اني اجربها ..

الا بوجودج ..

لأن السـعادة من دونج .. مالها معنى ..

انتي معنى السعادة ..

انتي معنى الحياة !

الجمعة، 14 نوفمبر 2008

الحبر دمي



تدرين اني حطيتك في قلبي ... وصكيت عليك بيبانه ؟

تدرين اني صرخت بعالي صوتي ... أحبك لكن مالقيت اجابة ؟


تدرين إني كتبت بدم جروحي احبك .. وكان الحبر دمي ؟

ياخسارتي العظيمة .... ياحزني الدفين .. يادموعي الغزيرة .. حبيبتي راحت لغيري !
وش اللي بيعوضني ؟ .. وشنو اللي بيفرحني .. ومنو بيمسح دموعي ؟


هي حبيبتي ؟ .... لكن مادري قلبها لمنو .. لا لا هي حبيبتي .. لو حبت غيري !


انتي حبيبتي ... دخلتي قلبي .. وصعب علي رحيلك ..

منو غيرك يحرك الدم بقلبي غير وجودك .. او منو يستاهل مكانك ؟




مجرد كلمات ... للتعبير عن ماتحتويه الاغنية الرائعة ... للفنان الكبير طلال مداح

الثلاثاء، 11 نوفمبر 2008

الخيال الصعب

حين اغمض عيناي ..


اراها امامي ..


ارى خيالها ..


كان السواد يغطيها ..


الا وجهها الأبيض الرائع ..


ذلك البياض الغريب ..


لا تجده الا بها ..


نظرتها .. انقـلاب


حاجبيها .. اغتيال


ابتسامتها .. ثورة


وجهها .. إبداع


يداها .. إلـهام


لكن، للأسف ..


انها .. الخيال الصعب !

الجمعة، 3 أكتوبر 2008

عيد

أجمل مافي العيد ..

ترى الغريب، والصديق، والقريب ..

ترى الاشخاص فرحين بلقاء الآخرين..

الشياب يسألون عن احوال الآخرين ..

والشباب يتحدثون عن أخر اخبار الرياضة ..

والأطفال يبحثون عن النقود ..

الا أنا ..

جلست .. اتخـيلها

لأنها .. هي العيد